Par un om di tiere, de storie, di Diu

Une preiere, chê lete di Caterina in glesie domenie stade, che a rive a liniulâ unevore ben la personalitât  di prè Gjulio:

Un om,
che si inlumine denant de int
cuntune incontenibil stime de persone
e che al fâs di ogni incuintri
ocasion di scoltâsi.

Om di tiere,
che al misure il mont
cun pas atent ae fuarce e ae veretât de so tiere.

Om de storie,
che al monte parsore il timp
parcè che al cognòs il passât
e al vîf il presint inte dimension de eternitât.

Om di Diu,
che al sint la necessitât di Diu
par jessi chest om.

E par chest om, di tiere, de storie, di Diu
ti ringraciin o Signôr.