"Alesso e dintorni", dal puint di Braulins al puint di Avons

"Alesso e dintorni", dal puint di Braulins al puint di Avons

martedì 21 febbraio 2012

Como vuê. L'ultin di carnevâl

Martedì grasso, ultimo di carnevale. Per ricordare il senso della festa in una società contadina, diversa dall'attuale, rileggiamo alcuni passi dal "Boletin di Dalès" n. 54 del luglio 2010 nei quali Zuan Cucchiaro tratteggiava la festa da ballo nella sala del Pipul.

La ultima not di carnevâl, a miezanot, a entravin da denta las mascaras di Carnevâl e Carêsima, il prin dut plen di sunàis su pal vistît e chê âta vistida di blanc cun tun linzûl e, intas mans, un urinâr e un scôl. I doi a si disevin su di dut, e ancja cualchi petèz su robas dal paîs capitadas via pal an, su cualchi maridèz lât soramercjât, su cualchi muroset lât a clâr e via indevant sun chesta lienda. Dopo un pôc i doi malandrets a fasevin il bal riservât e a sparivin via pa not, cu la int che a si sprezava dal ridi. 


Il Contrast tra Carnevâl e Carêsima

Un dai moments che la int a si riguarda di pui da esperienza da sala dal Pipul al è che al ultin di Carnevâl, al vegniva fat il confront tra las mascaras di Carnevâl e Carêsima: al era un bota e rispuesta (il test origjinâl al ven di una puisia dal '600) tra Carnevâl (vistît como un mascarot ben passût) e Carêsima (cuntun linzûl su pa schena e un urinal plen di aga che, cuntun scôl, a "benediva" Carneval e ducj i presints par purgâ di dutas las fiestonas e las libertâts che la int a si era cjapada in timp di carnevâl, cenza nissun freno e nissun timôr). Dopo il contrast i doi personagjos  (interpretâts par solit di Venusto e Vitorio dal Blanc e ancja di Angjelo di Vanta) dopo vê fat un bal insiema e augurât un biel proseguiment, a gjavavin il disturb e i balarins a tiravin indevant fint a ora di molgi.
Disint grazie a Nemesi  di Cjandin e a Valter di Ninz, i publichin un toc dal contrast che a si disevin Carnevâl e Carêsima.    (Z.C.) 

Carnevâl: 
Dontri vignîso, o sûr,
Cussì palide e smuarte,
Secje come une tuarte,
Dontri sêso ?
Ce ûl dî, ce mai vêso,
Che làis dute pendant?
Fàisi culì indevant,
Contàime juste.
Mi plasares robuste
Vedèus, alegre e in ton,
Come che la stagion
Di unviar impuarte :
Ma vô ses cuasi muarte,
No vês nè spirt ne flât,
Just come un puar malat
Che al tire il pît.
Vedèso ce pulît
Che 'o sòi, cussi galant !
Jò passi il timp balant
La gnot e il dì.
Di fan no vuei murî;
Cjalàimi pur in ciere:
Mangj matine e sere
A panze plene.
Simpri a gustâ e a cene
Vigjel e bogns cjapons,
Fritulis e cjalzons
Uei su la taule.
E vô, madone Paule,
Se il vuestri non l' è tal,
Alzàiso lu bocal
Come jò fâs ?
Se us foss parsot il nas
Chel che ogni dì mi vanze,
No varessis la panze
Cussì sclagne.

Caresima: 
Sòi nudride in montagne,
Usade cun pazienze
A fâ simpri astinenze
Ritirade.
Paule no sòi clamade,
Ma Cresime e Dizun,
E mi cognoss ognun
Fedel Cristian.
Jò no ven di lontan,
E nancje sòi visine,
A cui che nol cjamine
Pal ver troi.
Ma intant di Pauli sòi
Divote a la dotrine,
E sot la discipline
Di lui vîf.
(…)

Nessun commento:

Posta un commento

Ogni opinione espressa attraverso il commento agli articoli è unicamente quella del suo autore, che conseguentemente si assume ogni responsabilità civile, penale e amministrativa derivante dalla pubblicazione sul Blog "Alesso e Dintorni" del testo inviato.
OGNI COMMENTO, ANCHE NELLA CATEGORIA ANONIMO;, DEVE ESSERE FIRMATO IN CALCE, ALTRIMENTI NON SARà PUBBLICATO.
Grazie.