Centralina sul Palar: no al "muraion"

Il "Messaggero Veneto" del 20 novembre e la "Vita Cattolica" del 21 hanno pubblicato una lettera "in marilenghe" di Zuan Cucchiaro di Alesso nella quale viene espressa netta contrarietà alla ipotesi di realizzazione di una centralina sul Palar, simboleggiata dal "muraion", uno sbarramento sull'alto corso del torrente dalle parti del poç di Garfòs per la raccolta d'acqua da convogliare poi a valle.

Il muraion sul Palâr 

E cussì j sin vegnûts a savê di une gnove – e ce gnove! - ! A volarèssin fâ un muraion su pal Palâr, inte “busa di Garfòs”, par dopo fâ une centraline e produsi ancjiemò eletricitât. E chest intun dai plui biei rius dal Friûl! Il biel al è che chei che a àn intenzion di fâ lâ indenant cheste liende a no son nancje furlans né cjargnei; al pâr che a fasin fature a fevelâ ancje par talian, dato che a son bolzanins... E a vuelin vegnî cajù a sfrutâ lis nestris aghis come s'an fos tante di strassâle. La veretât, magari, a jè che lassù di lôr no puedin permetisi certis libertâts, se no a vegnarèssin cjapâts a pidadis intal puzzâr, e alore a si butin intes nestris valadis, sperant che cajù a setin ducj gnognos e no setin bogns di protestâ plui di tant. Pussibil che la nestre valade a veti di sopuartâ ancje cheste violence? No vino vudis avonde soprafazions da bande di chei siôrs di Udin, di Triest , di Rome? Cuant che i nestris sorestants a domandavin cualchi intervent in pro des zonis plui puaris, a ur rispuindevin che a no erin beçs. Ma se chescj industriai àn intenzion di fâ ce che àn preventivât, alore i beçs a son! Pussibil che ogni volta che al è alc di sfrutâ a rivin simpri dongje dai forescj a volê fâ di parons? Al dîs un vecjo proverbio che la gjate no si sgrife di bessole. Cuisà ce apogjos che àn, se no no vegnaressin a pierdi timp culì! A ogni mût, j vin let in chestis zornadis un comunicât dal sindic di Trasaghis che al dîs che al è contrari a une centraline sul Palâr. Po' ben, tante int a veve bielzà protestât; se ancje il Comun al è cuintri, al sarà di viodi se a varàn inmò intenzion di vegnî a fâ i parons inte Val dal Palâr! 
Zuan Cucchiaro Dalés