"Alesso e dintorni", dal puint di Braulins al puint di Avons

"Alesso e dintorni", dal puint di Braulins al puint di Avons

mercoledì 2 ottobre 2013

I suoi primi 40 anni. Un pinsîr par prè Gjulio

A son 40 agns di cuant che prè Gjulio al è culì a Dalès. A erin i prins di otobre dal '73, cuant che al è rivât dongja. Al è benzà un biel record, dato che, fint in dì di vuê, al è stât un sôl âti predi che a si è fermât pui a dilunc (al era il prin curât, prè Valantin Rabassi, che al è rivât intal 1661 e al è restât fint che al è muart, intal 1706).
In 40 agns, prè Gjulio and'à batiâts, maridâts, compagnâts ju dal Signôr di Zafàt unavora di lôr.  Inmò di pui an vût mût di incuintrâlu, di scoltâlu, magari di scombati, cun lui. Di sigûr a na è una persona  che a na si jôt. Al à lassât il so segno in glesia e ancja in  tancj moments da storia dai ultins 40 agns dal paîs che a lu àn jodût protagonist, par esempli cul stâ in prima rìa  in plaza a scombati par difindi i intarès da int (visinsi las manifestazions cuintra da l'area di servizi, chês par difindi il lâc, chês par sbultrâ, dopo dal taramot, l'inviâsi da ricostruzion e la nassita da universitât furlana), il so dâsi da fâ in glesia, tas scuelas, intas cjasas a bati e tornâ a bati su l'impuartança da lenga e da cultura dal Friûl….
Poben, ognun che a lu à incontrât al varà una so idea di prè Gjulio. E alora, savint che pa fin dal mês in paîs a si sta preparant una ocasion par saludâlu e dij grazie pal so inpegno intal mieç da int, parcè no si provie, culì sul Blog (e su la pagjina facebook), par intant, a tirâ dongja cualchi pinsîr, cualchi idea, cualchi auguri su chest omp che a nus compagna di 40 agns?
I podês scrivi un coment al Blog o a la pagjna di fb, mandâ una mail, magari cu cualchi fotografia, contâ dal vuesti rapuart cun prè Gjulio e dî trop che al è stat impuartant e ce che j auguràis….. 
(PdM)



Abstract: don Giulio è parroco di Alesso da 40 anni. In tanti hanno conosciuto e apprezzato il suo lavoro di sacerdote, di friulanista, di persona impegnata nel sociale. Un invito, allora, per raccogliere sul Blog e sulla pagina facebook pensieri, commenti, auguri per questa importante figura.

5 commenti:

  1. Mi auguri che si tegni dûr inmò par un pieç, e che la salût lu sostenti. Al è pardabon un "valôr zontât" pes nestris comunitâts: di là des sôs dotis umanis e di predi, al è une font cence fin di cognossincis storichis, linguistichis e identitariis su la nestre int e su la nestre Patrie dal Friûl. Che Diu ti preservi, Gjulio!

    RispondiElimina
  2. Brau dal Friûl3 ottobre 2013 20:14

    Us auguri di jessi simpri zovin almancul tal cjâf, parcè che cui ch'al è simpri zovin al è simpri in gjonda!

    RispondiElimina
  3. Una piccola parte del mio cuore ti appartiene per tutto l'affetto che hai dato a me e ai miei cari. Oggi è bello vederti giocare a rincorrerti con i nostri figli e sentire Suor Fides che ti sgrida perchè è l'ora della dottrina. Grazie Gjulio

    RispondiElimina
  4. Un predi c'al sa fa il predi como ca si devi, tal ben e in tal mal; par me al è pari, fradi e amii in tal stes timp e compagn di tantas aventuras passadas insiema.
    Auguri pre Gjulio e che Diu ti mantegnia simpri vert

    RispondiElimina
  5. A mi torna in ment dutas ches rôbas che a i son stadas crticadas: Fâ la messa par furlàn, "no roasa ma oparas di ben", impensâsi da Glesia di Acquileia, fâ las rôbas cui zovins, benedî las bandieras in glêsia, tirâ ju l'altâr par metilu a l'altezza da int e fâ che la int a sêti plui dongja da l'altâr durant la messa...
    E vuê cè chi disaresis int? Il prêdi di Dalès al è un visionari e al è simpri un pas indevant cul timp.
    S'al fos plui zovins di salût cuissa cè ch'al fasares cun internet !!!!!!!!!

    Brau

    RispondiElimina

Ogni opinione espressa attraverso il commento agli articoli è unicamente quella del suo autore, che conseguentemente si assume ogni responsabilità civile, penale e amministrativa derivante dalla pubblicazione sul Blog "Alesso e Dintorni" del testo inviato.
OGNI COMMENTO, ANCHE NELLA CATEGORIA ANONIMO;, DEVE ESSERE FIRMATO IN CALCE, ALTRIMENTI NON SARà PUBBLICATO.
Grazie.