"Alesso e dintorni", dal puint di Braulins al puint di Avons

"Alesso e dintorni", dal puint di Braulins al puint di Avons

lunedì 3 febbraio 2014

Lago, la Regione dice sì al by-pass (VII)

Il numero di febbraio di "Ladins dal Friûl", appena uscito, si occupa della "questione Lago" dando notizia del parere della Commissione regionale e del commento espresso a tale proposito dal consigliere dell'Etp Polano.

Lât di Cjavaç di salvâ: de Regjon finalmentri une propueste

Ladins dal Friûl n. 2, fevrâr 2014

Trasâgas – La Cuarte Comission dal Consei regjonâl, tal esam dal Plan regjonâl di Tutele des Aghis, e à auspicât che il Lât di Cjavaç al torni al so aspiet naturâl. Secont Claudio Polano, conseîr dal Ent Tutele Pescje pal Colegjo di Glemone-San Denêl, al è un risultât storic che al premie di une bande l’interes che l’Ent al à simpri dimostrât intai rivuarts dal plui grant lât naturâl de Regjon, cun diviers studis e ricercjis sul so ecosisteme e di chê altre, la opare dai Comitâts di difese dal lât che par agns a àn lotât cuintri il gnûf progjet di dopleament de centrâl Edipower di Somblât, che al varès dât il colp di gracie a un bacin cun cetantis criticitâts.
Il nestri lât - al va inmò dilunc Polano -, un tim temperât e ric di pes, al è deventât un frêt lât alpin par colpe dai scarics di aghe des centrâls idroeletrichis, aghis rivadis jù daspò jessi stadis prelevadis in diviers riui e torents de Cjargne, cumò suts e ridots tant che grebanos. In prionte il paltan contignût intes stessis, secont i risultâts di une resinte ricercje, al starès puartant ae disparizion dal lât dentri 110 agns. Ve aduncje che la propueste de Comission regjonâl di puartâ la aghe di scaric des turbinis, mediant un cjanâl bypass, diretementri viers il torent Leâl e il Taiament, e
permetarès di meti un slaif fondamentâl a cheste tindince. In prionte cheste soluzion e darès la pussibilitât di furnî aghe al Consorzi Ledre-Taiament par alimentâ la sô rêt di irigazion des campagnis dal Friûl di Mieç.
O vin il dovê morâl, al rive insom Polano, intai confronts des gjenerazions che a vignaran daûr di nô, di salvâ il Lât di Cjavaç de muart sigure e di tornâ a dai la valence naturalistiche che al à vût fint ai agns ’50. Fasint cussì si podarà zovâ ancje il turisim, che par chestis zonis al à po cuistâ une valence economiche cetant impuartant. (mdp)

Nessun commento:

Posta un commento

Ogni opinione espressa attraverso il commento agli articoli è unicamente quella del suo autore, che conseguentemente si assume ogni responsabilità civile, penale e amministrativa derivante dalla pubblicazione sul Blog "Alesso e Dintorni" del testo inviato.
OGNI COMMENTO, ANCHE NELLA CATEGORIA ANONIMO;, DEVE ESSERE FIRMATO IN CALCE, ALTRIMENTI NON SARà PUBBLICATO.
Grazie.