"Alesso e dintorni", dal puint di Braulins al puint di Avons

"Alesso e dintorni", dal puint di Braulins al puint di Avons

lunedì 27 novembre 2017

"Missus", il film sui predis di "Glesie furlane", il 1° a Udin e il 10 a Vençon

A SUNS EUROPE,
IL GNÛF FILM DI MASSIMO GARLATTI-COSTA
FINANZIÂT DE ARLEF

VINARS IL PRIN DI DICEMBAR, 
TEATRI GNÛF "GIOVANNI DA UDINE"

Poesie, profonditât, fuarce, musiche, lenghe e identitât: 
a son chescj i ingredients principâi di “Missus”,
il docu-film di Massimo Garlatti-Costa
che al conte 
la storie dai ultins predis di “Glesie Furlane”.
A 43 agns de domande di celebrâ la messe in lenghe furlane
- ancjemò cence rispueste - Missus al conte la lôr bataie cuotidiane
par mantignî vive la proprie ereditât culturâl
e par afermâ la lenghe
 tant che espression de identitât
dal popul furlan e veicul di libertât. 

Missus - che al è stât realizât ancje cui sottitui par
talian e par inglês par jessi distribuît in dut il mont
e al è stât iscrit a cuasi 20 concors internazionâi -
al è stât finanziât in maniere impuartante de 
Agjenzie Regjonâl pe Lenghe Furlane
 e al è sostignût
ancje dal Font regjonâl pal audiovisîf dal F-VJ.

La ARLeF e à il plasê di invidâus ae proiezion
che si fasarà vinars il prin di Dicembar aes 21.00,
li dal Teatri Gnûf "Giovanni da Udine”
, intal ambit di
SUNS EUROPE 2017, il festival des arts in lenghe minoritarie.

La jentrade a teatri e je libare e fin che e sarà disponibilitât
di puescj
, e nol covente ritirâ il biliet par jentrâ in sale
.

E dopo dal #MissusTour il documentari #MissusFilm al torne a cjase: domenie ai 10 di Dicembar aes 18.30 al sarà proietât tal Domo di Vençon.




Nessun commento:

Posta un commento

Ogni opinione espressa attraverso il commento agli articoli è unicamente quella del suo autore, che conseguentemente si assume ogni responsabilità civile, penale e amministrativa derivante dalla pubblicazione sul Blog "Alesso e Dintorni" del testo inviato.
OGNI COMMENTO, ANCHE NELLA CATEGORIA ANONIMO;, DEVE ESSERE FIRMATO IN CALCE, ALTRIMENTI NON SARà PUBBLICATO.
Grazie.