Angoli da scoprire: da Pusea a Cavazzo

Un puint pe strade che di Pusèe a puarte a Cjavàç


Tal novembar dal 2004 la comunitât di Mont Cjargnele a deliberà, su propueste des aministrazions comunals di Cjavàç e di Verzegnis, di comedâ la vecje strade militâr che di Pusèe a puarte a Cjavàç, destinantle al trafic des bicicletis, ma pensant che a podes jessi doprade ancje dai tratôrs. Magari cussì no, la vôre no a rivât a jessi completade par vie che no si son cjatâts i bêz par fâ un puint. Mancjant il puint no si è podût doprâle par passâ cui tratôrs e cussì la strade, soredut la part che a è in comun di Cjavàç, a è plan plan stade bandonade. Ma in chescj ultims dîs, la clape “Monte Amarianutte” ‘e a volût, cun tun lavôr volontari, netâ e viergi-fûr l’anel fat dal troi che dai Vâts al puarte su a Daudàç, la strade che di Daudàç a mene a Pusea, e la strade che di Pusea torne a puartâ in Val. Alessandro Cella, che al fâs part di cheste associazion, al a spiegât che lôr a àn fat cheste vôre par invoiâ la int a riscuvierzi chescj trois e chestis stradis. Chescj zovins a meritin propit une laude. Sperin che le aministrazion comunâl di Cjavàç, lant daûr dai intindiments des aministrazions passadis a invìi subit lis pratichis (bants europeans ecc.)par comedâ cheste strade e par fâ il puint. Chei che an passion di cjaminâ o di cori in biciclete, e soredut chei an boscs in Alz o in Daudàç a saressin contents….
                                  Remo Brunetti

Grazie al gruppo "Amarianutte" (https://www.facebook.com/monte.amarianutte?fref=ts), sono stati fatti dei notevoli passi avanti nel lavoro di pulizia della strada, per conoscere un bel cjanton di Cjargna. L'attività è stata ricordata anche sull'ultimo numero del Boletìn di Cjavaç.