Una recensione del "Lunari di Dalès"

L'ultimo numero de "La Vita Cattolica", uscito giovedì 9 gennaio,  parla della pubblicazione  del Lunari di Dalès:

«Lunari di Dalès»: la storie e lis tradizions dal paîs in plui di 80 fotografiis

Al è stât publicât ancje chest an il "Lunari di Dalès" che, di plui di 20 agns, al scandae la realtât, la storie e lis tradizions dal paîs. Si intitule "1, 2 o 3 rovedas" e al fâs un  viaç displeantsi  intal timp e intai tancj lûcs dal paîs, e fûr pal mont,  a resonâ sul rapuart cuntune rôbe umil ma che à savût di jessi doprade in tantis situazions, di lavôr e di divertiment, di fature e di passetimp: la rovede. Par chest an l'obietîf al è su ce che al girave suntune,  dôs o tre rovedis (tacant dai triciclos dai frutins, par rivâ al lavôr dai cjamps doprant cariolis e barelis, passant pes bicicletis, par rivâ a motos e 
motorìns, imprescj ducj doprâts par spostâsi, par lâ a lavorâ, ma ancje pal divertiment). 
Il Lunari al ven editât de Parochie di Dalès cu la colaborazion dal Centro di Documentazion sul teritori e il contribût economic dal  Comun di Trasâghis. 
A án  judât a meti dongja il Lunari Vigj Stefanutti e Decio Tomat pa ricercje des fotografiis, Zuan Cucchiaro e  Pieri Stefanutti pai tescj, Decio Tomat e Elena Vidoni pe liste  dai sants, pré Gjulio Ziraldo pe revision de scriture. 
Grande  la colaborazion de bande de int: sul Lunari a son publicadis plui di 80 fotografiis tiradis fûr intes fameis.