Lâc/Lât: "i toponims no si tradusin, ma si metiju ta lenga che a son nassûts e cressûts"

Si è discusso parecchio, negli scorsi giorni, a proposito delle tabelle toponomastiche fatte collocare dal Comune di Trasaghis sulle sponde del Lago. Al Blog che rimarcava l'importanza culturale dell'iniziativa sono seguiti numerosi commenti incentrati invece sulla grafia adottata. In modo particolare il "Comitât pe Autonomie e pal Rilanç dal Friûl" ha ribadito più volte la necessità che sulle tabelle ufficiali venga usato il termine corretto "Lât" anzichè il locale "Lâc". Sulla questione interviene ora l'autore del testo delle tabelle: si tratta del prof. Enos Costantini, uno dei massimi esperti di toponomastica friulana. Ai lettori, l'invito a leggere attentamente il testo e a intervenire conseguentemente.
---------

Di tabelas no si mûr, par furtuna

Il gno non e cognon: Enos Costantin. Un anonim al è un batacul e un batecul.

Timp indûr i ai fat la toponomastica dal Paîs dai Ufiei. Par ufielot standard (o ufielot koiné, o ufielot codificât) la peraula ‘lât’ (ingl. lake) si dîs kruk. Po ben, il plui grant lât dal Paîs dai Ufiei al à non Krak, scrit cu la maiuscula parcé che al è un toponim. E tai libris di gjeografia di chel Paîs a scrivin Ki kruk brin bran la Krak, al vignarès a stâi ‘il nestri plui grant lât al à non Lâc’. Dulà che Lâc al è il non (toponim) cognossût di simpri sul puest.

Su la riva dal lât / kruk che al à non Lâc / Krak a an metût una tabela cul toponim, no cul non gjeneric. Ta stessa tabela ducj i toponims a son in lenga locâl: il dalaspolin che a si cjacara a Dalaspol, il tarnijuk che a si fevele a Tarnip e il sunmlakin che a cjacarin a Sumblijuk. Ancja il plui ufiel dal Paîs dai Ufiei al sa che i toponims no si tradusin, ma si metiju ta lenga che a son nassûts e cressûts. Se no tant val scrivi Cavazzo Lake e buina gnot.

E stait sigûrs che tal Paîs dai Ufiei la tabela a la an vioduda, par dret e par ladrôs, chei da ASLU (Academia da Semula da Lenga Ufielota), che a la à fata viodi ancja a chei da SFU (Societât Filologjica Ufielota). No sai trop che chest al à rionât a la tabela, ma insoma, dut ce che si podeva fâ al è stât fat, e ancja massa par una tabela. Di tabelas, par furtuna, no si mûr.

Par vignî in Friûl (forma talianada di Forum Iulii, nancja di dîlu) i vin di savê che il latin vicus al à dât tant Vît che Vîc, come che il latin lacus al à dât sei lât (il Lât di Ruvigne) che lâc (il Lâc di Cjavaç).

Il diminutîf di lât, viodeit ce câs, al è ‘lagut, lagusel’, e no ‘latut’; il latut al è chê robuta blancjuta ch’a faseva la vacjuta pal frutut e pa frututa.

E cumò mi tocjarà frontâ un sacraboltât di studi su sepidìu trops vocabolaris par capî di dulà che a ven la peraula furlana Rilanç. Dal slang dal rugby, i crôt, ma i viodarai di viodi miôr che chesta a è una cuestion impuartanta.

Ancja cui che al scrîf par un Comitât al varès di meti sot, o insomp, la sô preseada firma. No vignarês a dîmi che un al po scrivi pa Academia da Blava ancja se al à pocja blava sul cjast.

Bon, araviodisi a San Biagio: cussì Ippolito Nievo al à tradusût Sanblâc / Somplât; ma lui al era Nievo.