Il ricordo di Siro Angeli sull'ultimo numero (magari cussì no) di "Gnovis pagjinis furlanis"

Anche la rivista "Gnovis pagjinis furlanis", che ha svolto negli ultimi anni un importante lavoro per la cultura friulana, rischia di chiudere, a causa del drastico taglio dei contributi regionali.  L'ultimo numero è stato distribuito praticamente solo via web, limitando la stampa cartacea solo a un ristretto numero di sedi istituzionali: Dal formât in cjarte a son stadis stampadis dome 50 copiis, che a son stadis spedidis aes Bibliotechis e aes istituzions culturâls plui impuartantis dal Friûl e de Ladinie Dolomitane.

Un graziis a ducj che che nus sostegnin e nus judin inte bataie che o stin puartant indenant parcè

"Gnovis Pagjinis" no vebin di murî.  (...)  Cheste riviste e ven fûr cuntun numar ridot di articui e di pagjinis par mancjance di finanziaments de bande des istituzions publichis -

Citiamo in particolare l'ultimo numero perché ospita un ricordo di Siro Angeli nel centenario della nascita; è evidente però che, anche su queste pagine web si rilancia l'augurio che la pubblicazione possa proseguire nella sua importante attività di promozione della lingua friulana.

Siro Angeli a cent agns de sô nassince

Ai 27 di Setembar dal 1913, juste za fa cent agns, a Cesclans di Cjavaç al nasseve Siro Angeli.
Laureât ae Normâl di Pisa, al è stât scritôr e poete tra i plui grancj de Cjargne dal secul passât. Al à al so atîf plusôrs lavôrs di teatri e oparis in viers par furlan (cjargnel) e par talian. Critic di cine e di
teatri par gjornâi e rivistis, al à colaborât ae redazion de “Enciclopedia dello spettacolo”. Dal 1953 al 1977 al è stât ae RAI come vice diretôr dal tierç program e condiretôr dai servizis di prose trasmetûts par radio. Par furlan al à publicât lis racueltis di poesiis “L’aga dal Tajament” (Tumieç 1976, Udin 1986), “Barba Zef e jo” (Udin 1985) e “Penultimas” (Udin 1991). Al à senegjât uns dîs films, e tra chescj, par furlan, “Maria Zef” (1981) dulà che al à ancje interpretât une des parts principâls, juste apont chê di Barba Zef. Di lui Carli Sgorlon al à dite: “Angeli al è un scritôr dulà che il popul furlan al pues pardabon spieglâsi e cjatâsi, parcè che al è un autôr che al condivît pardabon la cussience coletive dai furlans”. Intant che pal poete tumiecin Ermis Dorigo al è stât: “ Un om di grant rigôr morâl, al pont di jessi scontrôs ancje di caratar, al veve une grande fiducie inte leterature come strument privilegjât di inricjiment spirituâl individuâl e di progrès etic e civîl di une comunitât”.
Pai  siei merts leteraris tal 1970 al à vût il Premi Pifanie di Tarcint.
 Inte “Antologjie de Leterature Furlane” (B. Chiurlo - A. Ciceri) dal nestri poete di Cesclans si cjate scrit: “Scuasit in cidin, il non di Siro Angeli al à scomençât a comparî in diviersis publicazions furlanis e ducj a pandin l’auguri che la sô no sedi une presince casuâl, par vie che cheste presince e à credenziâls di valôr intai siei viers e tal so teatri, scrits par talian, ma istès spieli fedêl di situazions e spirts travanâts di furlan. La sô trilogjie teatrâl, cjapade adun sot il titul “Gente di Carnia”, e reste une testemoneance impuartant che si le lei orepresint cun grande comozion, cundut che a sedin mudâts i timps e lis prospetivis. 
 Cun altri spirt al torne cumò il poete ae sô tiere, ae ricercje dal timp pierdût, scuasit a volê ricostruî lis lidrîs, a volêsi vuadagnâ la proprie identitât a traviers la memorie. Ogni sô poesie e je come une lum impiade sot il ritrat dai siei di cjase, che no son plui: la mari, il pari, barba Agnul, i vons… E par vie che inte cjase de memorie no si po jentrâ cul cjapiel sul cjâf, chestis poesiis a son semplicis, semplicis par sielte (ma ricjis di gracie savinte). A son travanadis di une maluserie dolinte; a son fintremai dominadis di un ciert fatalisim, ma po il suspîr al cuiste l’aspiet insiliôs dal sintiment di colpe: il poete al à bandonât la sô tiere e al è come se al ves tradît la mari; cumò la sô cjase e je il regn dai ragns e alte e cres la jerbe tal curtîl. Se al torne, si sint forest: nissun lu acuse, se no la vôs interiôr. Al à disertât (la Cjargne, il paîs, la famee) e no ’nd è pâs par lui, se no tornant a scomençâ dal imprin: e velu tornâ a percori inte sô lenghe mari un pôcs dai motîfs che a jerin za jentrâts inte sô tematiche par talian. La sô anime si lave cussì inte aghe frescje de sô lenghe: ogni poesie e devente une particule di memorie che i vierç la comunion cui siei cjârs muarts e i torne a dâ la sô integrâl umanitât”. “In me essi da vei / dividi se j podes / îr e doman da vuei, / qual eisal l’intares? / Ancja l’anima a muda / como la vita, a mûr / como la vita. Jo / no lu crout, ma sigûr / di no veila venduda / no mi sint plui, cumò”.
 Cemût che si à vût iniment denant trat Siro Angeli, che al à concentrât la maiôr part de sô produzion par furlan inte racuelte “L’aga dal Tajament”, al è plui distant – ma no dal sigûr mancul sensibil – di Candoni e di Leo Zanier, des tematichis sociopolitichis. Intai siei viers, par esempli, la emigrazion no cuiste il caratar de inrabiade proteste, ma ben invezit chel de intime riflession, come juste apont inte poesie “Gno pari”: “...cui lu smôf plui s’al discôr / di lavôr via pal mont, là che di dut / al sucêt, e al conta cemût ch’a è lada / ancia a lui ch’al è capo muradôr”.
 In sumis, la lenghe mari, prodigjose sonde mnemoniche e sentimentâl, i à permetût di disbarcjâ tal cûr de sô infanzie, o sei tal cûr de Cjargne, cjantade simpri cun partecipade nostalgjie. Angeli al è un liric intens, intimist, che cul so furlan cjargnel – so parcè che une vore personalizât – al saveve vualmâ ogni plee de sô e de nestre anime: al è par chel che al ven inmò ricuardât come un dai massims poetis dal Friûl e, in particolâr, de sô Cjargne.
 Simpri sul cont di Siro nus plâs ripuartâ ancje ce che al à vût scrit Zorç Faggin inte antologjie “La Poesia Friulana del Novecento” (W. Belardi – G. Faggin / Bonacci editôr 1987): “Il ‛tornâ al furlan’ 
intai agns ’70 nol à mancjât di dâ bogns risultâts poetics, almancul intai câs che al à ubidît a une esigjence sintude, plui che a une mode dal moment. Nol è dipendût dal sigûr de mode il recupar de fevelade native de bande di Siro Angeli. Poetant inte fevelade dal borc dulà che al jere nassût, Siro Angeli al intint tornâ a recuperâ i leams cu la sô tiere, par tornâ a fâ propri in cualchi mût un mont e une int che a stan ae fonde de sô identitât spirituâl. Come scuasit par ducj i cjargnei, la sô sinciretât si po definîle trasparinte. Il detât poetic al è lambri e essenziâl: Propri culì, stentât / a alâsci su di mûr / in mûr framièc’ un grîs / di cret e un vert di prât / cun malta e cun clap dûr / tal cûr da Cjargna, chest / como ch’al è, plui puar / ancia, come ch’al era, / chi al sarès il paîs / ch’j varès scièlt par me / se ’a mi vès il Signôr / scièlgi lassât il puest / dulà nasci”.
 Siro Angeli al è muart ai 22 di Avost dal 1991. (red.)