Cavazzo, i Consiglieri "dissidenti" costituiscono un gruppo autonomo (4)

Sull'andamento dell'assemblea promossa venerdì scorso dall'Amministrazione comunale di Cavazzo, pubblichiamo un partecipato commento pervenuto da Remo Brunetti. Resta inteso che lo spazio del Blog è sempre aperto per quanti vogliono esporre, in maniera pacata e rispettosa, le proprie opinioni e le proprie valutazioni su tematiche "valdelaghine". (A&D)


Sperancis malapaiadis



Cuant che ‘o ai acetât l’invît che la Zonte Comunâl di Cjavàç a veve fat a ducj i citadins par spiegâ la sô posizion rivuart a lis divisions che si son manifestadis dentri dal Consei Comunâl, lu ai fat cu la sperance che cheste ‘samblèe a podes sclarî i motîfs che a vevin causadis chestis divisions, e che magari in presince de popolazion al vignis fûr un moment di autocritiche che a permetes la riconciliazion. Magaricussìno, lis mês sperancis a son restadis malapaiadis. Difat la Zonte si è limitade a presentâ il so mût di viodi lis roubis, dant in cualchi câs des informazions, ma cence meti in discussion il so mût di aministrâ. No ere tante int, forsit 40 personis, ma des opinions plui svareadis. A erin presints ancje i conseîrs che no van dacuardi cul rest da maiorance.Il sindic Iuri al a spiegât unevôre ben la posizion da zonte comunâl. Spiegant i pas che a erin stâts fats volte par volte sei cu la cuestion da autostrade, sei cu la cuestion dal eletrodot, sei cul progjet di Edipower. Spiegant che lis tratativis a son ancjemò in cors e che Edipower no a ancjemò rispuindût a dutis lis domandis che lôr , midiant da regjon ur àn fat.Dut braurôs par jessi rivât a fâ paiâ a edipower 180.000 euros di Imu, che la metât a restaran al comun permetint cussì di sierâ il belanç. Al a ancje insistût sul fat che Edipower a podarà costruî dome se a vignarà fate une variant al plan regolatôr, e chest al infuartis la posizion dal comun tes tratativis.Gianni Borghi al a spiegât il so lavôr di assessôr al belanç, disint che lui si sint di fâ il so lavôr di aministradôr cence lâ daûr di chei babeos che a fàsin critichis cence costrut.
Vito Brunetti, Vice Sindic, al a spiegât che al dì di vuei a è une grande dibisugne di energjie e bisugne daurle aes fabrichis, che se no a scjampin. Bisugne duncje sacrificâsi par un ben superiôr. Nissun dai trei nol a volût discuti davant dal public su pes divisions che a erin tal consei  comunâl, disint che chês roubis a lì si lis discut in consei. Sul cont dal referendum la zonte, par bocje dal sindic Iuri, ‘e a spiegât che su parei da regjon lôr si son rifiutâts di ametilu disint ancje che lis 360 firmis cjapadis su a eri stadis cjapadis su in maniere no corete.  Alore un dal public ur a domandât parcè che almancul no vevin fate une consultazion popolâr, e Iuri al a rispuindût che ormai al ere tart, e che la int no è interessade. Podopo un dal public al a ringraziât la zonte par vei volût spiegâ lis sôs posizions, ma al a ancje domandât di sintî la opinion dai conseîrs dissidents. Iuri al a rispuindût che como che lôr a vevin organizade un riunion, ancje i dissidents a podevin organizantint une altre. La discussion a è lade indavant cence nissune regule, dulà che ducj si son metûts a tabajâ. Al sindic Iuri i è rivade ancje le acuse di jessi un ditatôr. Magaricussìno, tal cors dal dibatiment si è palesade la strachece di chescj aministradôrs. Dut câs, i conseîrs “dissidents” a son rivâts a spiegâ al public che la cause da separazion no è stade né il progjet Edipower né altris progjets in discussion da part de aministrazion, ma invessit la esistence, dentri dal consei comunâl di dôs concezions difarentis sul mût di aministrâ. Lôr a crodin in tun sisteme democratic, là che invessit la zonte e i conseîrs restâts fedêi, a pratichin un sisteme autoritari. 
Ma, viodude le ore tarde e la clime sfavorevule a di une discussion costrutive, ‘o vin sierade la sentade e ‘o sin lâts.


Mandi  
Remo Brunetti