-----------------
Il Comun di Glemone, in colaborazion cul Sportel Sorecomunâl pe lenghe furlane dal Glemonàs e cu la Societât Filologjiche Furlane, al organize doi CORS PRATIC DI LENGHE E CULTURE FURLANE.I cors a duraràn 24 oris (12 lezions di dôs oris ognidune), e si davuelzarà te zornade di vinars, in orari preserâl , tacant cul 15 di març dal 2013 as 18, te sede dal Palaç Elti - Museu Civic (e dopo ancje inte vecje glesie di Sant Michêl, slarc di Puarte Udin, dongje dal Domo), a Glemone.
Il cors, curât di docents de Societât Filologjiche Furlane, al è viert a ducj e nol previôt spesis di bande dai corsiscj. I argoments des lezions a saran la grafie uficiâl de lenghe furlane, nozions di base di gramatiche e di sintassi, leterature furlane, storie dal Friûl, gjeografie regjonâl, storie da la art furlane, tradizions popolârs, folclôr, usancis, ritualitâts, e v.i.
Lis lezions a saran integradis di supuarts audiovisîfs e de furnidure di dispensis e di altri materiâl di bande dai docents. In plui, par cui che al vûl, si podarà aprofondî la cognossince dai struments disponibii in Rêt par scrivi in maniere corete par furlan, come vocabolaris, coretôrs, e altri materiâl informatic.
Par informazions e iscrizions si à di indreçâsi al SPORTEL SORECOMUNÂL PE LENGHE FURLANE DAL GLEMONÀS, referente dot. Linda Picco, a chestis direzions:
- Comun di Glemone, Municipi; tel. 0432.973234; e-mail: urp@com-gemona-del-friuli.
- Comun di Bordan, Municipi, ; tel. 0432.988049, int. 614; e-mail: sportello.friulano@com-
- Comun di Vençon, tel. 0432/985266, int. 208; e-mail: sportello.friulano.venzone@gmail.com .
Nessun commento:
Posta un commento
Ogni opinione espressa attraverso il commento agli articoli è unicamente quella del suo autore, che conseguentemente si assume ogni responsabilità civile, penale e amministrativa derivante dalla pubblicazione sul Blog "Alesso e Dintorni" del testo inviato.
OGNI COMMENTO, ANCHE NELLA CATEGORIA ANONIMO;, DEVE ESSERE FIRMATO IN CALCE, ALTRIMENTI NON SARà PUBBLICATO.
Grazie.