"Chest Palâr oramai forest"

Scjefin ha mandato al Blog una sua riflessione sulle pluridibattute problematiche estive del Palar. Un testo arguto, a tratti divertente, spesso amaro, sicuramente da leggere. E da commentare, sempre "cun creance e sintiment", prendendo spunto proprio da Scjefin che dice anche cose "penges", ma lo fa argomentando e motivando.
---------------

Ombrelons, wurstel e sioras cu la piel imbombada 

"L'aga a va simpri da riva jù" a diseva me nona. E cuant che j tu vjôts sîs cjans tal aga dal Sieraiut e j tu pensas a tros ch'an sarà su dal Prin e oltra, tu sâs zà che vuei j fruts a muel tal Gorc dal Spiron a bevaran ancja pisač di cjan.
J dis "ancja" parceche tal sieraiut a son ancja sioras cu la piel imbombada di crema solar che, jentrant ta l'aghe a nous mandaran jù tant di chel vueli di cuei una wiener schnitzel. E dopo j vin dos bielas fameas sot un ombrelòn colorât cun cuatri fruts che a mangjn cavoz ta l'aga e a tirin las scussas a riva par regueilas posdasi dopo. Cualchiduna a svuala usta tal sut ma cualchi d'un ata no, e via jù cu la corint! E ce si podino spieta di chei sis zovins che a stan ta l'aga fin tal buli bevint bira e mangjant pagnuts cul wurstel? Ai gjambars a ur plasin j furçons di wurstel?


Un bombardament cence pandin di fruts che a vegni jù da paret

Oltra a reguei la scovazas di dut chest Palâr oramai forest, il Gorc al a gambiât mût di jessi. Une volte (j tachi a jessi vecjo), j tu podevis nadâ adapardut. Al dì di vuei, la part central e jè sòt un bombardament cence pandin di fruts che a vegni jù da paret. A pasa sòt, tu sâs za che tu cj cjatarâs un frut di siet agns su pa copa. Il problema a no son chei cuatri fruts di Deles che ancjimo a vegnin su e che a conosin ben la creanza e las regulas di cemût saltâ jù. Il problema a son chei ch'a rivin la prime volte e che a salti di ogni cret cence sintiment e cence savei. J piês a son ches fameas che a fasin "trekking", "nature adventure" e via indenant par Inglês. Vèu che a rivin! Nancje smontâts e subìt foto panoramiche cun iphone7 (ma ce seraial di fotografâ in tun puar toc' di riu cun 70 personas ingrumadas una sora di che ata?). Pari: ocjai di soreli cun cuardin, majute body armour, boraza in alumini, brigonuts neris e Merrel tai pis. Mari: bandana, custùm intîr neri e brigonuts neris ancje chei, Birkenstock rinfuarzadas. Fruts: la muta par imersion (tal Gorc?). E jù a butasi cence coscience ne sintiments tant j fruts che il pari (simpri cun las Merrel tai pis, però).

L'efiet di chest gambiament sul Palâr a si vjôt ancje tal paìs. No savares a dî pai aspiets economics, ma siguramenti al tocja la morâl. A plui di cualchidun ai sarà scjampât un voli su par chês frutas disinvoltas di citât che a mostrin il miôr di sè su pas stradas dal pais. Siguramenti a lu an notat ches feminas sentadas tas bancjas in Fontana che a comentavin "il fil interdental tas culetas " di una di lor. Magari a lu varan comentât ancja chei omps sentâts tal bar da Sara... ma in maniera difarent.

Rivât fint culì, il letôr al pensarà: "chest al e un colp da oposizion!"
Prin, j no sei interesât al zuc' politic. Secont, j pensi che l' amministrazion a cerût di fâ ce che a si podeve. J parchegjos a pajament a son stâts fats ben. Purtrop l'inciviltat a vinç simpri. A son cuatri dîs che un SUV a mi parchegja devant di cjasa fûr di striscia blu, blancja o zala che a seti. A smontin in trei, a van su cu la borsa frigo e a van via as sîs cence vei lasât nancja un boro vi dal Lodo.
A son stâts fats bei cartei, ma fau rispietâ al e complicât cun duta chê int. Al u sa ben il Roger che vi dal Sieraiut al a baltimat avonda par fermâ una siora che a voleve piâ un fûc par cuei luanias usta sot la mont che a vevin metut a fûc cualchi mes fa. 

Ce si podial fa alore?

In famea, ognun al sbara la sô. Me sûr a dis che in Americhe par puescj como il Palâr a meti un numar sierat di ingrès. Nol si trate di pajâ, ma nomo di controlâ il numar di ingrès (par mût di dî, puj di dusinta personas a si siera l'ingrès). A voja a diai che l'americhe a jè lontane....
Gnò zinar al e puj zen e a si concentra sul cjatâ il puestut ust e un pôc fûr di man. La femina a dîs che j sin propit furtunâts a Dales e j varessin di fâ afars cun dut chel ben di Diu ch' j vin (Palâr, lâc, trois di mont).
Jo j mi fâs cjapâ dal populismo tant di moda in dì di vuei e j mi insumi Fernando o Medeo ch' a vegnin su cul chel trator ch'a si dopra l'ultima not da l'an pal cjar dai Coscrits e a mi tirin via chest SUV di devant di cjasa e a lu lassin daûr dal cimiteri, in Palût, dulà che gno nono al diseve che al jere il confin e al tacava il mont di "chei aitis"

Bon, ce fasino alore? 

La colpa a je di Facebook, oviamenti. Fint cumò, j vevin rivât a platâ il Palâr e la int di fûr a si jere cjolete il lâc che nou j vevin za pierdût tai agns 50. Cun Facebook, il secret al e' finît e j si cjatin cun trops di int che pôc a pôc a nus parin fûr da chel che j penzavin al fos un mût di vivi immutabil. I efiets dal "turismo di massa" a si conosin. Al a za copât puescj ben pui impuartants dal Palâr, par esempli Vignesie. In chescj dîs, a si fevela tant sui gjornai di un riu dongja Milan dula' che, dopo jessi finit su Facebook, a si intassin Milanês cence bêz par lâ in ferias, cun efiets negatîfs sul splandor dal puest e su la int dal lûc.
A Barcellona, al e' nasût un moviment di citadins cuintra un turismo di massa che, se lassât cence nissuna regula, al svuedarà il centro da citât lasantlu nomo un puest par turiscj e pierdint cussì la sô anime.
Se a an problemas lôr a mi sa che duncje la roba a je un grum dificila e a coventarà tanta fantasia par tirasi fûr di dulà che j sin. 
Forsit, a nus podaresin judâ las clapas e asociazions dal paìs? Forsit a podaressin judâ doi o trei volontaris dal paìs che a van su e jù pal Palâr a impenzâ ai nestis ospits la buina creanza como che al è scrit tas tabelas?
Fâ un tic di educazion ecologjche cui fruts e menau su pal Palâr cun la sporta par reguei scovazas? I nestis a imparin il valôr dal ben comun e dal efiet da l'omp su la natura. Chei aitis, magari a imparin a vergognasi vjodint i fruts dal paìs netâ daur di lôr. Magari cuachidun a si metarâ a judâ?
Previodi il vigil un sabida o doi tant par fâ cualchi multa di avertiment par fa gambiâ la ande?

No sai se j rivarai a vjodi il Palâr di una volta. Ma j speri che a si cjatarà un mût. E senò, pacience. J mi sentarai ancja jò tâs bancjas in Fontana e, intun buligâ di culetas, tatuagjos e borsas frigo ch'al va sù e jù par Nariu, j mi impenzarai dal Deles di cuant ch' j eri piçul, da foto di jò e Luca cul còs che a nus an fat taì deûr e da cuninaria di me nona in banda.

Scjefin T.P.