Tornìn a lei ce che al scriveva Zorç Ferigo intal 2005 intal numar unic da Filologjica su la Cjargna. A si fevela dai paîs dal cjanâl dal Tajament ma, dal sens di 'partegninça (a un paîs, a una valada, a un Cumun) and'è ce dî e ce pensâ par ducj e par dut.
«Dunà ch’a si nas ogni jerba a pas», e no sôl ogni jerba, ma ogni odôr, savôr, colôr; e ogni androna, cjantòn, troi; e ogni nêf, ploia, salustri e bontimp; e domenias e disevôras: il puest ch’al dà forma a mê prima identitât, o almancul a una das mês primas identitâts, a nol è il cumun: a è la mê vila.
Nissun al dîs, a bot e sclop: jò i soi dal cumun di Socleif; o: i soi dal cumun di Enemonç; ma: jò i soi di Faltron, o di Maiâs, o di Esemon o ce ch’al è.
In Cjargna, la rivalitât enfra cumuns a è una sflocja, inventada dai ambiziosuts par coltâ il lôr cjamp. La rivalitât enfra vilas a à un’âta fonda: a riguarda la costruzion da strutura personâl e sociâl dai paesans.
Nissun al à mai clapadât i giovins dal «cumun» vizin; ma di clapadadas cui giovins da vila dongja a è plena la storia. E no si trata sôl di claps.
Documents importants da diferenza, da rivalitât e da identitât di un paisùt – par piçul ch’al sêti – a son i mûts diferents di tabaiâ da paîs a paîs, encje sôl cincent metros distant; las diferents tradizions da sît a sît. Par intindisi:diferents tal particolâr, tal detalio, no tal implant gjenerâl.
(...) Il paîs al è il lûc dulà ch’a si imparin – da piçui e man man ch’a si cres – las regulas, la paronança, il ri-spiet, i dispiets, il contegno, giuant di balon e puartant la stela e imparant i cunfins e balinant i prâts di chei âtis (cun conseguent scufiotament) e lant a scuela e toculant al porton e domandant conpermesso e sdrondenant i sampogns; dulà ch’a si impara ce ch’al è improibît e ce ch’al è permetût, ce ch’a si po’ e ce ch’a no si po’ fâ, ce ch’al è gno e ce ch’al è to, ce ch’al è dì e ce ch’al è not… insomas, a s’impara una sorta di rudimentâl democrazia spontanea.
Ben s’intint, il paîs a no è la sola forma di apartigninça e di identitât.
Prin dal paîs, a vegnin la famèa, i parincj, il borc. Dopo il paîs, al ven il plui larc, la val interia, l’interia Cjargna, il Friûl... e via indevant. Fin a rivâ a ce ch’al diseva Einstein cuant ch’a i domandavin di ce razza ch’al era: «Umana», al rispuindeva, «al è evident». A son chês che, simpri Patrick Heady, al à definît segmentary identities... e che a vivin dutas, ce plui ce mancul, denti ognun di nô.
E il cumun? L’apartigninça al cumun a entra in chestas segmentary identities, e a è di sigûr mancul fuarta da apartigninça al paîs. Partegni a un cumun a vûl dî cjatâ il lûc primari indulà meti a prova formâl la democrazia spontanea ch’a si è imparada intai paîs.
Sone chest, in dì di vuê, i cumuns?
O no sone, invezit, il lûc dulà ch’a s’impara a essi sotans e obedients a dut chel slavìn e davòi di regulas ch’a inpon l’Europa e il Stât e la Regjon e la Provincia e la Comunitât Montana, giù per li rami?
Dulà ch’a si impara a sarcandolâ par vê il «finanziament» e la buinaman?
Dulà ch’a si risolvin i problemas ch’a nu contin ch’a varessin di essi e no chei ch’a son?
Sone l’articolazion basâl da democrazia o l’ultim relit di un feudalesim ch’al à sostituît i valvassins cui sindics?
Jò i crôt che «unions dai cumuns», cumuns plui grancj, «cumuns di val» a si podin fâ: il mâl di cjampanîl a nol centra un biel nuja cun chest; e a no saressin grandas oposizions da banda da int.
Basta dî clâr e sclet parcé ch’a si fasin.
Se par gjavâ i intrîcs da burocrazia, o par giontantin; se par garantî l’autonomia, o par dineâla; se par sostentâ l’identitât, o par fruçâla; se par risolvi i problemas, o par lassaiu lâ fraits; se par praticâ la democrazia, o par gjavâla dal dut.
A podaressin deventâ il lûc dulà ch’a si esperimenta il mût montanâr di stâ insieme, la contestazion si-stematica da ideologja da planura incalmada cença nissun mani in mont, dai criteris da economia «planetaria» traspuartâts cença un vêr parcé ’ta malga plui lontana, ’tal cjampèi plui spierdût. (...).
Nissun al dîs, a bot e sclop: jò i soi dal cumun di Socleif; o: i soi dal cumun di Enemonç; ma: jò i soi di Faltron, o di Maiâs, o di Esemon o ce ch’al è.
In Cjargna, la rivalitât enfra cumuns a è una sflocja, inventada dai ambiziosuts par coltâ il lôr cjamp. La rivalitât enfra vilas a à un’âta fonda: a riguarda la costruzion da strutura personâl e sociâl dai paesans.
Nissun al à mai clapadât i giovins dal «cumun» vizin; ma di clapadadas cui giovins da vila dongja a è plena la storia. E no si trata sôl di claps.
Documents importants da diferenza, da rivalitât e da identitât di un paisùt – par piçul ch’al sêti – a son i mûts diferents di tabaiâ da paîs a paîs, encje sôl cincent metros distant; las diferents tradizions da sît a sît. Par intindisi:diferents tal particolâr, tal detalio, no tal implant gjenerâl.
(...) Il paîs al è il lûc dulà ch’a si imparin – da piçui e man man ch’a si cres – las regulas, la paronança, il ri-spiet, i dispiets, il contegno, giuant di balon e puartant la stela e imparant i cunfins e balinant i prâts di chei âtis (cun conseguent scufiotament) e lant a scuela e toculant al porton e domandant conpermesso e sdrondenant i sampogns; dulà ch’a si impara ce ch’al è improibît e ce ch’al è permetût, ce ch’a si po’ e ce ch’a no si po’ fâ, ce ch’al è gno e ce ch’al è to, ce ch’al è dì e ce ch’al è not… insomas, a s’impara una sorta di rudimentâl democrazia spontanea.
Ben s’intint, il paîs a no è la sola forma di apartigninça e di identitât.
Prin dal paîs, a vegnin la famèa, i parincj, il borc. Dopo il paîs, al ven il plui larc, la val interia, l’interia Cjargna, il Friûl... e via indevant. Fin a rivâ a ce ch’al diseva Einstein cuant ch’a i domandavin di ce razza ch’al era: «Umana», al rispuindeva, «al è evident». A son chês che, simpri Patrick Heady, al à definît segmentary identities... e che a vivin dutas, ce plui ce mancul, denti ognun di nô.
E il cumun? L’apartigninça al cumun a entra in chestas segmentary identities, e a è di sigûr mancul fuarta da apartigninça al paîs. Partegni a un cumun a vûl dî cjatâ il lûc primari indulà meti a prova formâl la democrazia spontanea ch’a si è imparada intai paîs.
Sone chest, in dì di vuê, i cumuns?
O no sone, invezit, il lûc dulà ch’a s’impara a essi sotans e obedients a dut chel slavìn e davòi di regulas ch’a inpon l’Europa e il Stât e la Regjon e la Provincia e la Comunitât Montana, giù per li rami?
Dulà ch’a si impara a sarcandolâ par vê il «finanziament» e la buinaman?
Dulà ch’a si risolvin i problemas ch’a nu contin ch’a varessin di essi e no chei ch’a son?
Sone l’articolazion basâl da democrazia o l’ultim relit di un feudalesim ch’al à sostituît i valvassins cui sindics?
Jò i crôt che «unions dai cumuns», cumuns plui grancj, «cumuns di val» a si podin fâ: il mâl di cjampanîl a nol centra un biel nuja cun chest; e a no saressin grandas oposizions da banda da int.
Basta dî clâr e sclet parcé ch’a si fasin.
Se par gjavâ i intrîcs da burocrazia, o par giontantin; se par garantî l’autonomia, o par dineâla; se par sostentâ l’identitât, o par fruçâla; se par risolvi i problemas, o par lassaiu lâ fraits; se par praticâ la democrazia, o par gjavâla dal dut.
A podaressin deventâ il lûc dulà ch’a si esperimenta il mût montanâr di stâ insieme, la contestazion si-stematica da ideologja da planura incalmada cença nissun mani in mont, dai criteris da economia «planetaria» traspuartâts cença un vêr parcé ’ta malga plui lontana, ’tal cjampèi plui spierdût. (...).
(da: Giorgio Ferigo
Presentazione al Congresso della Società Filologica Friulana del libro“Enemonç Preon Raviei Socleif”
Enemonzo, settembre 2005)
Presentazione al Congresso della Società Filologica Friulana del libro
Nessun commento:
Posta un commento
Ogni opinione espressa attraverso il commento agli articoli è unicamente quella del suo autore, che conseguentemente si assume ogni responsabilità civile, penale e amministrativa derivante dalla pubblicazione sul Blog "Alesso e Dintorni" del testo inviato.
OGNI COMMENTO, ANCHE NELLA CATEGORIA ANONIMO;, DEVE ESSERE FIRMATO IN CALCE, ALTRIMENTI NON SARà PUBBLICATO.
Grazie.