Riflession di prè Gjulio: Cemût sìno fra di nô?

Sul numero appena uscito di "Dalès un timp par vivi",  prè Gjulio fa una interessante analisi  sulla situazione della Alesso di oggi, sui cambiamenti sopravvenuti nella vita di paese, sulle prospettive.

Cemût sìno fra di nô?


Dopo tancj agns ch'j sei cun vuâtis e j mi cjati ben, j pos dî che Dalès al è un paîs positîf, che al va indevant cun tantas rôbas fatas insiema. Cuistions, causas, lotas a no mancjn, ma a son ancja tantas 'sociazions e compagnias ch'a fasin alc di biel. L'ostaria, metìn, culì di nô, a è simpri stada un puest di incuintri. A jè vera che tanta int che a lava massa ta ostaria a jè muarta pal bevi, parceche tantas, massa ostarias a erin una ocasion continua di bevi massa.   
E cumò? Las ostarias a son pui dismiezadas. Las 'sociazions a son ancjimò tantas. 
Parâtri, como in dutas las rôbas, ancja la vita di paîs a gambia. Prin di dut j sin calâts di numar, tant calâts. La causa di fonda a jè che la muart a na à creanza e il nassi al dipent di tantas rôbas, e tanta int a à massa paura da responsabilitât  di un frut. Ma esa vera che la int a Dalès a no è pui tant unida? Ancjiamò su la plaza, tor miesdì, al è cualchi troput che a si la conta, ma nancja meti 25-35 agns indaûr! Ancja il taramot al à zovât a sierâ la int intai siei fastidis e cussì, planc planc, ognun al pensa par sé e la union a mola. Una volta la int a si judava di pui: no si podarèssia, ognun intal so cjâf, tornâ unìn indaûr, viergi i voi cuant che cualchidun al à dibisugna par viodi di lui o fâ ce che al coventa? 
E dapît, us tiri il claput da Messa: a Messa a si sta insiema e a si impara a vivi insiema; a si impara a gjoldi das bielas rôbas insiema, a tignî dûr cuant che a si patìs inta vita e a fâ dal ben par amôr di Crist, ancja a chei che a no mertin.

Lo spazio è naturalmente disponibile se qualcuno vuole intervenire sulle tematiche poste da prè Gjulio.